Кеңейтілген госпитализация

Госпитализация алдында науқастар денсаулық жағдайын, қанның ұю қызметін бағалау, қан арқылы берілетін қауіпті инфекцияларды анықтау, инвазивті рәсімдер мен операцияларға ықтимал қарсы көрсетілімдерді жоққа шығару үшін қажет талдаулар тапсырады.

Госпитализация алдында барлық талдауларды «Горлаб»-тың кез келген пунктінде тапсыруға болады. Құны бойынша кешенде бұл талдауларды жеке-жеке тапсырғаннан әлдеқайда тиімді болады.

«Кеңейтілген госпитализация» кешенінің құрамына мынадай көрсеткіштер кіреді:

«Кеңейтілген госпитализация» кешеніне госпитализацияланған науқастарға қажет болуы мүмкін барлық талдаулар кіреді. Бұл кешенді стационарға түсерден 10 күннен ерте тапсырмаңыз, өйткені олардың «жарамдылық мерзімі» шектеулі.

Қанның жалпы талдауы+СОЭ Қан жасушаларының саны, гемоглобин деңгейі, гематокрит, эритроциттердің шөгу жылдамдығы анықталады. Қабыну, анемия, қанның жоғарылаған немесе төмендеген ұюының белгілерін табуға, қанның «қоюлығын» бағалауға болады.

Зәрдің жалпы талдауы Зәр шығару жүйесінің инфекцияларын, бүйрек ауруларын, конкременттердің (тастардың) түзілуіне бейімділікті, ағзадағы кейбір метаболизмдік бұзылыстарды анықтауға немесе жоққа шығаруға көмектеседі.

Қорытындысы бар коагулограмма Мынадай көрсеткіштерді қамтиды: антитромбин III, АЧТВ (сек.), МНО, плазминоген, протромбин (Квик бойынша), протромбиндік және тромбиндік уақыт, фибриноген. Зерттеу нәтижелері бойынша сіз қанның ұю қызметінің жағдайы туралы қорытынды аласыз. Аурулар салдарынан оның бұзылуын анықтап қана қоймай, егер сіз антикоагулянттар қабылдасаңыз, олардың дозасының барабарлығын да бағалауға болады.

Қанның биохимиялық талдауы Мынадай көрсеткіштерді қамтиды: аланинаминотрансфераза (АЛТ), аспартатаминотрансфераза (АСТ), билирубин, темір, креатинин, мочевина, ақуыз, холестерин, глюкоза. Бауырдың, бүйректің қызметі мен зақымдану маркерлері бағаланады, көмірсу және липид алмасуының бұзылу белгілерін анықтауға болады.

Инфекцияларға талдаулар Қан арқылы берілетін инфекция қоздырғыштарының антиденелері мен антигендері анықталады. Аурулар жылдар бойы симптомсыз өтуі мүмкін болса да, олар өлімге қауіпті: миды, жүректі және басқа ішкі ағзаларды зақымдауы (сифилис), терең иммунтапшылық тудыруы (ВИЧ), бауыр циррозы мен обырын (В және С гепатиттері) тудыруы мүмкін. Анықталатын көрсеткіштер: Anti-HCV (жиынтық), HBsAg, Treponema Pallidum-ға АТ (жиынтық), АГ (anti-HIV 1,2 + Ag) және ВИЧ 1,2-ге АТ.