«Salomatlik asosi» nutritsiologik profili

Bu — sogʻliq holatini va metabolik jarayonlarni tekshirish uchun kompleks tahlil. U oqsil, uglevod, lipid almashinuvini, qalqonsimon bez, jigar, buyrak, meʼda osti bezi ishini baholaydi.

Ushbu tekshiruv yordamida sogʻliqdagi koʻplab muammoni aniqlash mumkin: diabet, dislipidemiya, anemiya, organizmdagi yalligʻlanish, immunitet tanqisligi, gipotireoz yoki tireotoksikoz, ichki aʼzolar disfunksiyasi. Yurak-qon tomir kasalliklari xavf omillarini aniqlash, ularni bartaraf etib, oʻzingizni ateroskleroz, infarktlar, insultlar va arterial gipertenziyadan himoya qilish mumkin.

Tahlil ortiqcha yoki yetarli boʻlmagan vazni bor odamlarga, shuningdek oʻz sogʻligʻini kuzatadiganlarning barchasiga foydali.

leykotsitar formula bilan qonning umumiy tahlili

qon biokimyosi: ferritin, gomotsistein, s-reaktiv oqsil, s-peptid

oqsil almashinuvi: umumiy oqsil, albumin, kreatinin, mochevina, siydik kislotasi

uglevod almashinuvi: glyukoza va insulin

lipid almashinuvi: umumiy xolesterin, LPVP, LPNP, triglitseridlar

meʼda osti bezi va jigar: AST, ALT, amilaza, ishqoriy fosfataza, GGT, toʻgʻri bilirubin

qalqonsimon bez gormonlari: T4, T3, TTG

D vitamini, rux, yod

Qon ertalab och qoringa, soat 7 dan 11 gacha oraligʻida topshiriladi. Oxirgi ovqatlanishdan qon olishgacha kamida 12–14 soat oʻtishi kerak. Suvni odatdagi tartibda ichish mumkin. Qon topshirishdan 24 soat oldin chekishdan voz keching, alkogol, choy, qahva, sharbatni istisno qiling. Jismoniy zoʻriqish (sport, yugurish, zinapoyadan tez koʻtarilish) va hissiy hayajonni istisno qiling. Tekshiruv arafasida, kechqurun, yogʻli ovqatsiz yengil kechki ovqat qiling. Qon topshirishdan 15 daqiqa oldin dam olib, oʻtirib, tinchlanish tavsiya etiladi.