В гепатити юза антигенини аниқлаш (HBsAg) (CITO)

*Диққат. Натижани тасдиқлаш зарур бўлганда бажарилиш муддати 5 иш кунигача узаяди.

В вирусли гепатити қон, жинсий алоқа орқали ва ҳомиладор аёлдан ҳомилага плацента орқали юқади. Касаллик жигар сиррозининг асосий сабабларидан бири ҳисобланади ва жигар саратонини келтириб чиқариши мумкин. Номақбул оқибатлар патологиянинг сурункали шаклига хос. Кўп ҳолларда В гепатити ўткир кечади ва муваффақиятли даволанади. Лекин айрим одамларда бир неча йил давомида жигарни бузадиган сурункали вирусли В гепатити ривожланади. Юзаки антигенга қон таҳлили касалликни скрининг қилиш учун ишлатилади. Бу В гепатитининг энг эрта маркери. У ПЗР билан (вирус ДНК сини аниқлаш) бир вақтда ёки ҳатто ундан ҳам эрта мусбат бўлади. Австралия антигенини қонда вирусга антитаналардан 2 ҳафта эрта аниқлаш мумкин. Одатда HbsAg қонда 1-2 ой давомида аниқланади. Сўнгра В гепатити ўз-ўзидан ёки терапия таъсирида ўтиб кетади. Агар HbsAg 6 ойдан кейин ҳам қонда аниқланиб турса, бу касалликнинг сурункали шаклга ўтганини кўрсатади. Қондаги HbsAg миқдори бўйича шифокорлар В гепатитини симптомсиз ташувчиликдан фарқлашлари мумкин.

қон, ички аъзолар, жинсий ҳужайралар донорлари ва реципиентлари;
режали операция;
ҳомиладорлик;
туғруқ бўлимига тушиш;
тиббиёт ходимларини текшириш;
гемодиализ;
жинсий инфексиялар;
хавф гуруҳларидаги беморларни текшириш: гиёҳвандлик, қамоқда бўлиш, жинсий шерикларнинг тез-тез алмашиши;
анамнезда В гепатити ташувчиси билан жинсий алоқа;
В вирусли гепатити бор онадан боланинг туғилиши;
жигар шикастланишининг клиник симптомлари ёки лаборатория белгилари.
ўткир ёки сурункали В гепатити;
австралия антигенини ташувчанлик.
В вирусли гепатитининг йўқлиги;
муваффақиятли даволанган В гепатити;
D гепатитининг қўшилиши;
ўткир В гепатитининг фулминант клиник кечиши;
нуқсонли HBsAg ли сурункали В гепатити;
репликация фаоллиги паст сурункали В гепатити.