MAR-тест

Биоматериални йиғиш лубрикантлар (кремлар, мойлагичлар, совун, сўлак ва бошқа моддалар) ишлатмасдан мастурбация йўли билан амалга оширилади. Олинган эякулятнинг бутун ҳажмини йиғиш зарур. Эякуляциянинг аниқ вақтини қайд этиш керак.

Текширувга тайёргарлик даврида бемор 1–2 ой давомида мунтазам уруғ чиқаришни (ҳафтасига 2 марта) таъминлаши керак.

Биоматериални топширишдан олдин 2 дан 5 суткагача тийилиш зарур.

Тахмин қилинаётган текширувдан 5–10 сутка олдин алкогол истеъмол қилиш ва чекишдан воз кечиш. Даволовчи шифокор билан келишилган ҳолда сперматогенезга таъсир қилувчи дори воситаларини қабул қилишни бекор қилиш.

Биоматериални топширишдан 2–3 кун олдин ҳаммом ва саунага боришни истисно қилиш, иссиқ ванна қабул қилишдан воз кечиш.

Биоматериални топшириш арафасида психоэмоционал қулайликни таъминлаш, оғир жисмоний юкламаларни истисно қилиш.

Сийдик чиқариш канали ва/ёки простато-везикуляр мажмуа яллиғланиш касалликлари фонида биоматериал топшириш тавсия этилмайди.

Эякулят камида 2 ва кўпи билан 5 сутка уруғ чиқаришдан тийилгандан кейин олиниши керак. Текширувдан 5 кун олдин мунтазам жинсий фаоллик тавсия этилади. Текширувдан 12 соат олдин уретра ва жинсий олат соҳасида ҳар қандай тиббий ва гигиеник воситаларни (малҳам, мойлаш воситалари, совун, эритмалар) қўллашдан сақланиш лозим. Муолажа вақтида жинсий олат боши соҳасида ҳар қандай малҳам ва мойлаш воситаларини (лубрикантлар, кремлар, вазелин, сўлак ва б.) ишлатиш қатъиян тақиқланади. Муолажадан олдин жинсий аъзоларни илиқ сув билан синчиклаб тозалаш тавсия этилади. Таҳлилдан бир неча кун олдин стресс, совқотиш ва жисмоний юклама каби ноқулай омилларни истисно қилиш мақсадга мувофиқ. Бир ҳафта давомида алкогол, шунингдек стимулловчи ва психофаол моддаларни ҳар қандай миқдорда истеъмол қилиш тавсия этилмайди. Текширувни сийдик-таносил тизими ва кичик чаноқ аъзоларига ўтказилган тиббий, диагностик ва физиотерапевтик муолажалардан кейин (муддат шифокор билан келишилади), шунингдек урогенитал йўлнинг яллиғланиш касалликлари ва тана ҳарорати кўтариладиган инфексияларни даволагандан кейин ўтказмаслик лозим. 7–10 кун давомида юқори ҳарорат таъсиридан (ҳаммом, сауна, ўриндиқ иситгичи) ва авиация парвозларидан имкон қадар сақланиш лозим. Дори препаратлари, касбий зарарлар, нурланиш ва бошқа салбий омилларнинг таъсир қилиш имкониятини даволовчи шифокордан олдиндан аниқлаш зарур. Таҳлилга йўлланмада клиник маълумотни, айниқса варикоцеле борлигини кўрсатиш лозим. Материал йиғиш жараёнида контейнер қопқоғи ва ички қисмининг ифлосланишидан сақланинг.