«Саломатлик асоси» нутрициологик профили

Бу — соғлиқ ҳолатини ва метаболик жараёнларни текшириш учун комплекс таҳлил. У оқсил, углевод, липид алмашинувини, қалқонсимон без, жигар, буйрак, меъда ости бези ишини баҳолайди.

Ушбу текширув ёрдамида соғлиқдаги кўплаб муаммони аниқлаш мумкин: диабет, дислипидемия, анемия, организмдаги яллиғланиш, иммунитет танқислиги, гипотиреоз ёки тиреотоксикоз, ички аъзолар дисфунксияси. Юрак-қон томир касалликлари хавф омилларини аниқлаш, уларни бартараф этиб, ўзингизни атеросклероз, инфарктлар, инсултлар ва артериал гипертензиядан ҳимоя қилиш мумкин.

Таҳлил ортиқча ёки етарли бўлмаган вазни бор одамларга, шунингдек ўз соғлиғини кузатадиганларнинг барчасига фойдали.

лейкоцитар формула билан қоннинг умумий таҳлили

қон биокимёси: ферритин, гомоцистеин, s-реактив оқсил, s-пептид

оқсил алмашинуви: умумий оқсил, албумин, креатинин, мочевина, сийдик кислотаси

углевод алмашинуви: глюкоза ва инсулин

липид алмашинуви: умумий холестерин, ЛПВП, ЛПНП, триглицеридлар

меъда ости бези ва жигар: АСТ, АЛТ, амилаза, ишқорий фосфатаза, ГГТ, тўғри билирубин

қалқонсимон без гормонлари: Т4, Т3, ТТГ

D витамини, рух, ёд

Қон эрталаб оч қоринга, соат 7 дан 11 гача оралиғида топширилади. Охирги овқатланишдан қон олишгача камида 12–14 соат ўтиши керак. Сувни одатдаги тартибда ичиш мумкин. Қон топширишдан 24 соат олдин чекишдан воз кечинг, алкогол, чой, қаҳва, шарбатни истисно қилинг. Жисмоний зўриқиш (спорт, югуриш, зинапоядан тез кўтарилиш) ва ҳиссий ҳаяжонни истисно қилинг. Текширув арафасида, кечқурун, ёғли овқациз енгил кечки овқат қилинг. Қон топширишдан 15 дақиқа олдин дам олиб, ўтириб, тинчланиш тавсия этилади.