Сифилис қоздырғышының антиденелері, жиынтық (anti-Treponema Pallidum — жиынтық) CITO

Мерез жыныстық жолмен берілетін ең қауіпті инфекциялардың бірі болып табылады. Ауру үш кезеңде өтеді. Бастапқы мерез үшін жыныс мүшелерінде жара немесе эрозияның пайда болуы тән, екінші кезеңде денеде бөртпе пайда болады, үшінші кезеңде ми мен жүректі қоса алғанда кез келген ішкі ағзалар зақымдалуы мүмкін. ИФА көмегімен мерез қоздырғышына антиденелер анықталады. Талдау ауруды кез келген кезеңде диагностикалауға мүмкіндік береді. Ең жоғары сезімталдық екіншілік мерез кезеңінде байқалады – ол 100%-ға жақын. Пациенттердің көпшілігінде қандағы антиденелерді жұқтырғаннан кейін 2-3 аптада, аурудың симптомдары пайда болғанға дейін-ақ анықтауға болады. Мерез диагнозын қою үшін кемінде екі зерттеудің оң нәтижесі қажет, олардың бірі іріктеу тесті, екіншісі растаушы тест болып саналады. ИФА трепонемалық зертханалық тест болып табылады, өйткені ол бұзылған тіндерден бөлінетін антигендерге емес, аурудың қоздырғышына антиденелерді анықтайды. Сондықтан талдауды іріктеуші ретінде де, растаушы ретінде де пайдалануға болады. Сауыққаннан кейін антиденелер қанда көп жылдар бойы, кейде бүкіл өмір бойы қалады, сондықтан ИФА-ны сауыққанын растайтын зертханалық тест ретінде пайдаланбайды.

мерездің бастапқы диагностикасы, растаушы немесе іріктеуші зертханалық тест ретінде;
мерезге алдыңғы екі талдау нәтижелері сәйкес келмеген жағдайда қосымша растаушы тест ретінде;
жоғары қауіп тобындағы адамдарды тексеру.
мерез;
бұрын өткерілген инфекция.
мерез инфекциясының болмауы;
серонегативті кезең, әдетте инфекцияланганнан кейін 2-3 аптаға дейін.