Goʻsht, mikst fx16. Mikst allergenlar aralashmasini oʻz ichiga oladi: choʻchqa goʻshti (f26), mol goʻshti (f27), tovuq goʻshti (f83), qoʻy goʻshti (f88)

«Goʻsht»- bitta qon olish orqali bir vaqtning oʻzida bir nechta qarindosh allergenlarga IgE sinf spetsifik antitanalar darajasini aniqlaydigan majmuaviy tahlil. Panel tarkibiga kiradi: choʻchqa goʻshti (f26), mol goʻshti (f27), tovuq goʻshti (f83), qoʻy goʻshti (f88). Tekshiruvning bunday formati har bir allergenni alohida topshirish zaruratisiz, goʻsht mahsulotlariga oziq-ovqat allergiyasini tashxislash uchun qulay. Natijani allergolog shifokor bemorning klinik manzarasini hisobga olgan holda izohlaydi.

Iloji boricha namunalar ertalab, soat 7 va 9 orasida olinishi kerak. Namuna oxirgi ovqatlanishdan 8–12 soat oʻtgach olinishi lozim. Tekshiruv arafasida yogʻli ovqatdan saqlanib, yengil kechki ovqat maʼqul. Tekshiruvdan oldin faqat gazsiz suv ichishga ruxsat beriladi. Sharbat, choy, qahva va limonad ichmaslik kerak. Namuna test natijalariga taʼsir qilishi mumkin boʻlgan davolash muolajalaridan oldin olinishi lozim. Fizioterapiya muolajalari, asbobiy tekshiruvlar, rentgen va ultratovush tekshiruvlari, massaj va boshqa muolajalardan keyin darhol qon olish tavsiya etilmaydi. Davolovchi shifokor bilan kelishilgan holda qon olishdan oldin dori qabul qilishni toʻxtatish tavsiya etiladi. Ertalabki dori faqat biomaterial olingandan keyin qabul qilinadi. Tekshiruvdan 12–24 soat oldin alkogol, jismoniy yuklama va hissiy zoʻriqishni istisno qiling. Tekshiruvdan 1–2 soat oldin chekmang. Qon topshirishdan 15 daqiqa oldin dam olib, tinchlanish tavsiya etiladi — tana holatining oʻzgarishi natijaga taʼsir qiladi. Bemorni dinamikada kuzatishda material bir xil tana holatida, bir xil vaqtda, bir xil tayyorgarlik bilan va bir xil laboratoriyada olinishi kerak.