Лейкоцитарлық формуламен жалпы қан талдауы (ЭТЖ-сыз)

Лейкоцитарлық формуламен жалпы қан талдауы (СОЭ анықтаусыз) қанның негізгі көрсеткіштерін- эритроциттерді, гемоглобинді, тромбоциттерді және лейкоциттер түрлерінің пайыздық қатынасын бағалайды. Бұл — аурулардың көпшілігінде және профилактикалық қараулар кезінде жасалатын базалық талдаулардың бірі.

Мүмкіндігінше сынамаларды таңертең, сағат 7 мен 9 аралығында алған жөн. Сынама соңғы тамақтанудан 8–12 сағат өткен соң алынуы тиіс. Зерттеу қарсаңында майлы тағамнан аулақ болып, жеңіл кешкі ас ішкен дұрыс. Зерттеу алдында тек газдалмаған су ішуге рұқсат етіледі. Шырын, шай, кофе және лимонад ішуге болмайды. Сынама тест нәтижесіне әсер етуі мүмкін емдік шаралардан бұрын алынуы тиіс. Физиотерапиялық емшаралардан, аспаптық тексерулерден, рентгендік және ультрадыбыстық зерттеулерден, массаждан және басқа емшаралардан кейін бірден қан алу ұсынылмайды. Емдеуші дәрігермен келісе отырып, қан алғанға дейін дәрілерді қабылдауды тоқтату ұсынылады. Таңертеңгі дәрі биоматериал алынғаннан кейін ғана қабылданады. Зерттеуге 12–24 сағат қалғанда алкогольді, дене жүктемесін және эмоциялық қобалжуды болдырмаңыз. Зерттеуге 1–2 сағат қалғанда шылым шекпеңіз. Қан тапсырар алдында 15 минут демалып, тынышталған жөн — дене қалпының өзгеруі нәтижеге әсер етеді. Пациентті динамикада бақылағанда материал бірдей дене қалпында, бір уақытта, бірдей дайындықпен және бір зертханада алынуы тиіс.