Қанды B тобындағы дәрумендерге талдау (B1, B2, B3, B5, B6, B9, B12)

В тобының дәрумендері не үшін қажет? Олар онша маңызды емес сияқты көрінеді, өйткені ағзада олар жеткілікті болса, денсаулықпен ештеңе болмайды.

Бірақ дәрумендердің бүкіл маңызын біз олардың тапшылығы туындағанда түсіне бастаймыз. Бұл заттардың аздаған жетіспеушілігі де жағымсыз симптомдар тудырады, ал ауыр гиповитаминоз ауыр ауруларды туғызады.

Ағзаңызда В тобының дәрумендері жеткілікті ме, тексеріңіз. Мүмкін сіз бұрын шығу тегін түсінбеген симптомдардың түсіндірмесін табарсыз. Ағзада В тобының дәрумендері жетіспегенде мынадай жағдайлар болады:

Сізде осындай симптомдар бар ма? Егер иә болса, В тобы дәрумендеріне талдау тапсырып, денсаулық жағдайының нашарлауына гиповитаминоз себеп болмағанын анықтаған жөн. Ал симптомдар болмаса, талдау бәрібір артық болмайды, өйткені қыс аяқталғаннан кейін дәрумендер тапшылығы — әдеттегі жағдай. Талдау нәтижелері бойынша сізге дәрумендерді қосымша қабылдау керек пе, әлде ағзада олар жеткілікті ме, білесіз.

B1 – шаршау, ашуланшақтық, нашар есте сақтау, ұйқысыздық, жүректегі ауырсыну, тәбеттің нашарлауы және іштегі жайсыздық.

B2 – ауыз бұрыштарындағы «жарықтар», еріндердегі қызару мен жарылулар, терінің қабыршақтануы, көздердің қызаруы.

B3 – күн сәулесінің әсерінен терінің қызаруы, ауыз шырышты қабығының қабынуы, тілдің ісінуі, күшті сілекей бөлінуі, жұтқыншақ пен өңештегі күйдіру сезімі.

B5 – тырнақтардың сынғыштығы, шаштың ағаруы, майлы тері, шаршағыштық, зейінсіздік, ұйқысыздық, бас айналуы.

B6 – ауыздағы қабыну, теридегі бөртпе, жүрек аритмиялары.

B9 – тапшылық анемия тудырады және ұрықта ақаулардың даму қаупіне байланысты жүкті әйелдер үшін қауіпті;

B12 – тапшылық кезінде анемия дамиды, бауыр мен көкбауыр ұлғаюы мүмкін, бұлшықет спазмдары пайда болады және жүйке сезімталдығы нашарлайды.

Қан таңертең аш қарынға, сағат 7-ден 11-ге дейін аралығында тапсырылады. Соңғы тамақтанудан қан алуға дейін кемінде 8 сағат өтуі тиіс. Суды әдеттегі режимде ішуге болады. Қан тапсыруға 24 сағат қалғанда шылым шегуден бас тартып, алкогольді, шайды, кофені, шырынды болдырмаңыз. Дене жүктемесін (спорт, жүгіру, баспалдақпен жылдам көтерілу) және эмоциялық қобалжуды болдырмаңыз. Зерттеу қарсаңында, кешке, майлы тағамсыз жеңіл кешкі ас ішіңіз. Қан тапсыруға 15 минут қалғанда демалып, отырып, тынышталған жөн.